Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu














Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi 


Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi. 


TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidhiwa kombe. Aidha, Bi. Veneranda Edward amefanikiwakuingia kwenye historia kwa kutwaa ubingwa wa Bao kwa Wanawake, akimshinda mchezaji kutoka Shirika la Maendeleo ya Petroli Tanzania (TPDC) kwa pointi nyingi.


Hata hivyo TPHPA imefanikiwa kutwaa taji jingine kubwa kwa kuwa mshindi wa pili katika mchezo wa Vishale(Darts), ambapo Bi. Rehema Abdala, aliyefanikiwa kuingia fainali kuwa Mshindi wa pili baada yakushindwa kushiriki katika fainali hiyo kutokana na matatizo ya kifamilia.


TPHPA imeweka rekodi ya kipekee baada ya kuzidi Taasisi na Mashirika yenye Makao Makuu katika Mikoa ya Kaskazini kwa idadi kubwa ya Makombe,Imetoa Mshindi wa Mbio za Magunia Wanawake aliyekimbia kwa Muda Mfupi tangu kuanzishwa kwa Mashindano,Mshiriki wa mchezo wa Vishale Wanawake aliyeshinda Michezo yake yote hadi Fainali


Kwa ujumla, mashindano haya yameonyesha umuhimu wa michezo katika kuleta pamoja wafanyakazi kutoka sekta mbalimbali na kuimarisha afya na ushirikiano katika jamii ya wafanyakazi nchini. TPHPA inatoa wito kwa mashirika mengine kuendelea kuhimiza michezo na shughuli za kijamii kama njia mojawapo ya kuimarisha ustawi wa wafanyakazi na jamii kwa ujumla.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more