"Tutaimarisha Masoko ya Mazao yetu kwa kupunguza Viuatilifu vyenye Madhara Makubwa kwa Binadamu na Mzingira" Prof.Kweka


Pichani: Mwakilishi wa Kaimu Mkurugenzi Mkuu wa TPHPA Prof. Eliningaya Kweka(Aliyesimama) akifungua Kikao cha Wataalamu kutoka TPHPA, Wizara ya Afya, Hospitali za Rufaa, Mkemia Mkuu wa Serikali, Mazingira na wadau wengine wa Kilimo na Viuatilifu Leo Juni 22,2023, Hoteli ya Gold Crest -Arusha.










Na Innocent Natai - TPHPA

Mamlaka ya Afya ya Mimea na Viuatilifu Tanzania (TPHPA)kwa kushirikiana na Wataalamu wa Afya na Mazingira  wamekutana Leo Juni 22,2023 katika Hoteli ya Gold Crest -Arusha kuandaa mikakati ya kupitia Viuatilifu vyenye madhara makubwa na ya muda mrefu kwa Mazingira na Binadamu vinavyopelekea Matukio ya Watu kutumia Kujiuwa 

Akizungumza wakati wa ufunguzi wa kikao hicho Mwakilishi wa Kaimu Mkurugenzi Mkuu wa TPHPA Prof. Eliningaya Kweka amesema kuwa malengo makubwa ni kuona namna ya kuviondoa viuatilifu hivyo vyenye madhara ya muda mrefu kwa mazingira na Binadamu 

Hii ni ili kuhakikisha Wakulima wanakuwa Salama na Mazao yanayolimwa Tanzania yanalimwa kwa kutumia viuatilifu visivyo na madhara makubwa na yamuda Mrefu ili nchi kujihakikishia masoko ya Kimataifa kwa kuuza mazao yasio na Masalia ya viuatilifu vyenye madhara makubwa na ya muda mrefu kwa Binadamu na Mazingira

Mratibu wa Mradi wa Kupitia Viuatilifu vyenye Madhara Makubwa kwa Binadamu na Mazingira ambao umezinduliwa hivi leo katika kikao hicho kilichofanyika Arusha Ndug.Raphael Mwezi amesema kuwa wadau waliojumuika kwenye kikao hicho ni kutoka ofisi ya Mkemia Mkuu wa serikali,Wizara ya Afya,Hospitali za Rufaa MountMeru na KMCMC lengo ikiwa ni kutekeleza kwa pamoja mradi wa kudhibiti Viuatilifu vyenye athari kubwa kwa Binadamu na Mazingira ambavyo vimeripotiwa kwenye matukio ya Watu kujiuwa 

Aidha amesema kuwa lengo mahususi la mkutano huo wa kwanza wa Mradio huo ni kutengeneza mpango kazi wa namna gani wamaweza kuvitambua Viuatilifu hivyo na kuvifanyai utaratibu wa kuvipunguza 

Akizungumzia sakata la baadhi ya watu kutumia viuatilifu kujidhuru(kujiuwa) Daktari wa Afya ya Jamii kutoka Hospitali ya Rufaa ya KCMC Dkt.Florida Muro amesema kuwa kwa sasa takwimu sahihi za vifo na madhara yatokanayo na Viuatilifu hakuna hivyo mradi huo utasaidia kupatikana kwa takwimu sahihi na kujaribu kuviondoa viuatilifu hivyo

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more