Zoezi la Kudhibiti Kwelea Kwelea Mkoa wa Manyara, Wakulima watuma Ujumbe kwa Uongozi wa TPHPA na Mhe.Dkt. Samia Suluhu Hassan











Na Innocent Natai


  SERIKALI kupitia Mamlaka ya Afya Mimea na Viuatilifu Tanzania (TPHPA) imefanikiwa kudhibiti Makundi ya Ndege waharibifu aina ya Kwelea Kwelea zaidi ya Milioni 5 na kuokoa zaidi ya Ekari 1000 za zao la mpunga lililolimwa kipindi cha kiangazi Mkoani Manyara, na kuvamiwa na visumbufu hivyo mwanzoni mwa mwezi Septemba.

 

Akizungumza wakati wa kukamilisha opeshezani hiyo ya kudhibiti visumbufu hivyo Mtaalamu wa Kudhibiti visumbufu vya Mlipuko kutoka TPHPA Bwana Gladman Mbukoi amesema zoezi hilo limemaliza kilio cha wakulima wa mpunga kwani kwa siku moja ndege hao walikuwa na uwezo wa kumaliza zaidi ya Tani 50 za zao hilo.


Mbukoi amesema katika mkoa huo wamemaliza ndege hao kwa asilimia kubwa na kwamba operesheni hiyo haikuwa nyepesi kutokana na wingi wa ndege hao na kwa siku nne za oparesheni hiyo walikuwa wakifuatilia wanapolala ndege hao na kuwapulizia Vi-uatilifu ili kuwaangamizia wote lengo likiwa kuondolea wakulima usumbufu wa kutafuta walinzi wengi mashambani


Mariam Gadiel ambaye ni Mkulima mkoani hapo ameishukuru Mamlaka hiyo na Serikali kwa ujumla kwa kuwasaidia kudhibiti ndege hao kwani hapo awali walikuwa wakitumia gharama kubwa kufanya uzalishaji kwa kuwalipa walinzi sita kwa ekari moja, kwa kila mmoja walilazimika kumlipa shilingi laki moja kwa ajili ya kulinda ndege hao.


"Tunaishukuru Mamlaka ya Afya ya Mimea na Serikali ya Mama Samia hawa ndege walikuwa ni wasumbufu tulihamia mpaka na familia shambani kulinda mpunga sasa hivi tunapata hata muda wa kwenda nyumbani kuwapikia watoto wetu" aliongeza Mariam


Kaimu Meneja TPHPA Kanda ya Kaskazini Ndugu Jumma Mwinyimkuu, alisema kuwa visumbufu hivyo husababisha kupungua kwa tija kwa Mkulima katika uzalishaji, hivyo Mamlaka hiyo imejipanga kupambana na Visumbufu vya Mlipuko vitakavyo jitokeza ili kutekeleza lengo la Serikali ya Awamu ya Sita chini ya Rais wa Jamhuri ya Muungano wa Tanzania Mhe. Dkt. Samia Suluhu Hassan la kuhakikisha tija kwa wakulima inaongezeka ili kuilisha Dunia.


Ameongeza kuwa Mamlaka hiyo inavyotekeleza wajibu wake huo wakudhibiti visumbufu inaendana sambamba pia na niadhabiti ya Wizara ya kilimo katika kuhakikisha inaongeza Uzalishaji kwa wakulima na kuepuka kuwepo kwa tatizo la njaa nchini.


Kwa upande wake Kaimu Meneja wa Usimamizi wa Visumbufu vya Mlipuko Ndugu, Godlove Kirimbo amesema kuwa Mamlaka hiyo imeweka mipango madhubuti kuhakikisha visumbufu hivyo havileti madhara makubwa kwa wakulima, kwa kushirikiana  wa wadau wa maendeleo kama Shirika la Chakula na Kilimo la Umoja wa Mataifa (FAO) na Shirika la Mpango wa Chakula Duniani (WFP) wamenunua tayari Ndege Nyuki (Dron) zitakazo tumika kufanya ukaguzi wa kujua vilipo visumbufu na kuvipulizia viuatilifu aidha pia mamlaka hiyo inaendelea na mipango ya kununua ndege kwa ajili ya kufanya udhibiti huo wa visumbufu na inampango wakuandaa mfumo maalumu utakaotumiwa na wakulima kutoa taarifa za uwepo wa visumbufu ili kupata huduma kwa uharaka

 

 

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more