Kuelekea Msimu mpya wa Kilimo Wilaya ya Hanang TPHPA na FAO wajitosa kunusuru matumizi makubwa ya rasilimali wakati wa uzalishaji








Na Innocent Natai

Kuelekea msimu mpya Mpya wa Kilimo Mamlaka ya Afya ya Mimea na Viuatilifu Tanzania (TPHPA) kwa kushirikiana na Shirika la Chakula na kilimo la umoja wa mataifa (FAO) wametoa elimu ya namna ya kudhibiti Visumbufu vya Mimea aina ya Viwavijeshi Kwa wakulima Mfano Wilaya ya Hanang Mkoani Manyara ili kuwasaidia kuepukana na athari za matumizi makubwa ya rasilimali fedha na muda wakati wa kupambana na visumbufu hivyo.

Akizungumza baada ya Mafunzo hayo  Bi Gress Matiku ambaye ni mtaalamu wa kudhibiti visumbufu vya Mlipuko kutoka Mamlaka ya Afya ya Mimea na Viuatilifu Tanzania (TPHPA) amesema kuwa mafunzo hayo yamejumuisha wakulima Ishirini na Tano (25) na Maafisa Ugani kutoka Kata mbalimbali za Wilaya hiyo na dhumuni la mafunzo hayo ikiwa ni kutoa elimu ya udhibiti Shirikishi ya kudhibiti Viwavijeshi Vamizi.

Amesema kuwa mafunzo hayo yamejumuisha elimu ya kuchagua mbegu bora,kumtambua viwavijeshi, hatua sahihi ya kumdhibiti, Kutambua viuatilifu sahihi vya kumdhibiti na matumizi yaliyo sahihi ya Viuatilifu ikiwa ndio njia ya mwisho ya kumdhibiti viwavijeshi ikiwa visumbufu vitakuwa hatari zaidi



“Tulianza na wakulima kumi ambao tulichagua na tukawapa mafunzo ya kudhibiti hawa viwavijeshi tukawafundisha njia Tano za Udhibiti wa hawa Viwavijeshi kwa Vitendo na leo tuponao hapa tumewatumia kuwafundisha wengine” Alisema Bi Matiku

Aidha aliongeza kuwa Wakulima hao wamepatiwa mafunzo ya njia hizo za udhibiti ikiwemo udhibiti sango (kuandaa shamba mapema, kuchagua mbegu bora, kupanda wakati wa mvua za kwanza na kuweka mbolea ) Udhibiti kinzani kwa kutumia mbegu zinazokinzana na Viwavijeshi, kutumia njia za kibaiolojia  kwa maana ya kutumi wadudu marafiki wanaowala viwavijeshi, kutumia sukuma vuta (kupanda majani yanayowafukuza nondo/Vipepeo wa viwavijeshi wasitage katika shamba) kutumia Viuatilifu vya Kibaiolojia na Mwisho kutumia Viuatilifu vya Kemikali kwa Usahihi na iwe njia ya Mwisho

Bwana Mpona Malonzo Ambaye ni Afisa Kutoka Shirika la Chakula na kilimo la umoja wa mataifa (FAO) amesema kuwa Mwitikio wa kupokea Mafunzo hayo umekuwa mkubwa Kwa wakulima kwani visumbufu hivyo vilikuwa vikiwa adhiri katika kilimo na wasijue namna ya kuvidhibiti kwa njia nafuu na sasa wamepata elimu ya namna ya kutumia pembejeo chache na kupata ufanisi katika kilimo tofauti na hapo awali

Amesema kuwa Shirika hilo limekuwa likiweka jitihada kubwa za kuwasaidia wakulima hapa nchini kwa kuwezesha tafiti mbalimbali za kudhibiti kisumbufu hicho na tayari wamesha saidia kutambuliwa kwa Wadudu marafiki wanaoweza kupambana na kisumbufu hicho bila hata kutumia kemikali na tayari wamesha sambaza wadudu hao kwa Wakulima

Ameongeza kuwa Kwa kushirikiana na Chuo cha Sokoine na Mamlaka ya Afya ya Mimea na Viuatilifu Tanzania( TPHPA) wameshaanza kuwazalisha na wamekuwa na ufanisi mkubwa huku matarajio yao ikiwa ni kuona serikali inawazalisha zaidi na kuwasambaza kwa wakulima nchini

Kwa upande wao wakulima wameshukuru Shirika hilo na Mamlaka ya Afya ya Mimea na Viuatilifu Tanzania( TPHPA) kwani walikuwa wakitumia muda mwingi,rasilimali nyingi ikiwemo fedha na muda na hata kupoteza ubora wa mazao yako kwa kukosa elimu ya udhibiti wa viwavijeshi 

Kwa mara ya kwanza Viwavijeshi Vamizi walionekana Tanzania mwaka 2017 katika Wilaya ya Nkasi Mkoani Rukwa na Mpaka sasa viwavijeshi vamizi wamefika zaidi ya mikoa 15 ya Tanzania, Takwimu zilizotolewa na Kituo cha Kimataifa cha Kilimo na Bioscience (CABI) mwaka 2017 zinasema tangu Viwavijeshi avamie barani Afrika Mwaka 2016 amesababisha hasara ya kiasi cha takribani $13.383 M kwa mazao kama mahindi, mtama na miwa ikiwa ni nje ya mimea aina 80 inayoshambuliwa na mdudu huyo 

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more