TPHPA yazidi kusonga mbele Zoezi la Udhibiti wa Panya waharibifu Mkoa wa Morogoro //Wakulima wapongeza

 







Na Innocent Natai


  SERIKALI kupitia Mamlaka ya Afya Mimea na Viuatilifu Tanzania (TPHPA) imefanikiwa kuokoa zaidi ya Ekari  931,920 Mkoani Morogoro zilizovamiwa na Panya waharibifu na kuziwezesha Kaya 1682 kuwa na uhakika wa kupata mavuno na usalama wa mavuno yao baada ya kuyatoa shambani.

 

Akizungumza wakati wakiendelea na zoezi hilo lililoanza Septemba 23,2023  Kaimu Mkuu wa Kituo cha kudhibiti Baa la Panya TPHPA (Morogoro) Bi. Christina Tewele  amesema zoezi hilo linaendelea vizuri na wapo ukingoni kulitamatisha kwa kuhakikisha wanadhibiti mlipuko huo wa Panya waharibifu ili kuwasaidia wakulima kuepukana na upotevu wa mazao yao kabala na baada ya mavuno


Amesema Mamlaka hiyo imefanya kazi ya udhibiti wa panya hao kwa awamu Mbili (2) mwezi Agosti na Septemba na Jumla ya kata zoezi hilo lilipofanyika ni Nane (8)

na Jumla ya vijiji Ishirini na Mbili (22) vyenye jumla ya kaya zilizochanga chambo 1682 vimehudumiwa.


"chambo kilichochangwa ni 15,532kg mpaka sasa kwa chambo hicho tumefanikiwa kudhibiti ekari 931,920 na matokeo ni mazuri, tumefanikiwa kuwadhibiti kikamilifu"amesema Bi Christina Tewele 


Amesema mikakati yao TPHPA ni kuhakikisha Mkulima anafurahia kushiriki katika kilimo, hivyo watatoa ushirikiano pale watakapohitajika.


Aidha amezitaka Halmashauri zinazopatwa na Milipuko ya visumbufu hivyo kutoa taarifa mapema kwa Mamlaka hiyo ili iweze kuwahi kutoa huduma kabla havijaleta madhara makubwa kwa wakulima kwani zoezi la udhibiti ni mchakato na linahitaji taarifa za haraka


Kwa upande wake aliyekuwa mratibu wa zoezi hilo Ndugu Maulid Chatto amesema kuwa zoezi hilo limeenda vizuri na wamefanikiwa kudhibiti katika yale maeneo yaliyokuwa na uvamizi mkubwa na sasa wamebakisha maeneo yenye uvamizi mdogo huku wakiendelea kupokea taarifa za maeneo mengine kama yatapata uvamizi


Aidha ameongeza kuwa Mamlaka hiyo imekuwa ikiweka utaratibu mzuri wa kuhakikisha wakulima wanapata huduma ya udhibiti kwa haraka ikiwemo kuwataka wakulima hao kuandaa chambo (pumba, dagaa na mafuta) ambapo baada ya kuandaa wao huja kupima uzani, kuwapa elimu ya matumizi, kuwachanganyia kiuatilifu na baada ya hapo kuwapa ili wakaweke kwenye mashamba yao.




Wakulima na viongozi wa Maeneo yaliyofanyiwa udhibiti Mkoani hapo wameishukuru Mamlaka hiyo na Serikali kwa ujumla kwa kuwasaidia kudhibiti kwani kutokana na wingi wa panya hao walishaanza kuleta madhara kwenye mazao hayo 

 

 

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more