WATAALAM TPHPA WATAKIWA KUTUMIA KONGAMANO LA KIMATAIFA LA KONGWE MWITU(SANSEVIERIA) KUPATA TAALUMA NA MBINU ZA UTAFITI WA MMEA HUO







Na Mariam Makombe -TPHPA

Hayo yamejiri katika kongamano la Kimataifa la SANSEVERIA linalofanyika katika ukumbi wa TPHPA ambapo Mgeni rasmi Dkt.Sospeter Kabululu akimuwakilisha Kaimu Mkurugenzi wa Mamlaka Prof.Joseph Ndunguru  amewata wataalam wanaoshiriki kutumia fursa hiyo kujifunza Kwa umakini mbinu mbalimbali zinazotumika katika kutafiti mmea wa Kongwemwitu ambao una maajabu mengi na faida kubwa kwa binadamu na mustakabali wa dunia kwa ujumla.

Akiongea mara baada ya kufungua Kongamano hilo amesema mkutano huu umekusanya Watafiti mbalimbali kutoka ujerumani,ufaransa,Uganda,Kenya, Zanzibar n.k ambapo kwa pamoja wanajadili kuhusu mmea huu wa Kongwemwitu ( Sansevieria) na kuona ni namna gani mikakati ifanyike katika kuhifadhi mmea huu wa kipekee  ambao uko katika aina tofauti zaidi ya Mia moja  usipotee katika uso wa dunia kutokana na shughuli za binadamu.

"Mamlaka ya Afya ya mimea na Viuatilifu moja ya jukumu letu ni kuhifadhi mimea nasi tunabeba jukumu kuhakikisha mmea huu haupotei na dunia izidi kupata faida zake ,tutaunga mkono mikakati ya uhifadhi na utafiti zaidi wa mmea huu itakayojadiliwa katika kongamano hili ambapo kwa pamoja TPHPA na taasisi ya Tanzania Sanseveria Foundation tutashirikiana katika nyanja tofauti tofauti kuona uhifadhi wa mmea huu unafanikiwa na watanzania waweze kunufaika nao"alisema Dkt.Kabululu.

Akitaja faida mbalimbali za mmea huu Dkt.Neduvoto Maollel ambae ni msimamizi wa Kitengo cha National Herbarium of Tanzania amesema mmea huu unafaida nyingi na tafiti bado zinaendelea kufanyika kujua zaidi baadhi ya faida hizo ni hutumika kama chakula cha wanyama lakini pia ni mmea ambao unastahimili ukame huweza kustawi mahala popote bila masharti mengi,pia utafiti unaonyesha Mmea huu huweza kutumika kama dawa na hata nyuzi zake huweza kutumika kutengeneza nguo.

Kongamano hili la kimataifa lililoandaliwa kwa pamoja kati ya Taasisi ya Tanzania Sanseveria Foundation na TPHPA kupitia Kitengo cha NHT (National Herbarium of Tanzania)  ni la siku 6 ambapo wataalam hao watafiti kutoka mataifa mbalimbali watapata nafasi kutembelea maeneo mbalimbali yanayopatikana mmea huu Kwa upande wa Arusha,lakini pia watapata fursa ya kujionea Maabara kubwa ya TPHPA inavyofanya kazi 

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more