MAFUNZO YA 59 YA PM2 YALIYOTOLEWA NA TPHPA JIJINI ARUSHA YAFUNGWA RASMI LEO,UPIMAJI WA UELEWA KWA WASHIRIKI WATOA MATOKEO MAZURI






Na Mariam Makombe

Hayo yamejiri leo 17 novemba katika ukumbi wa Mamlaka uliopo Makao Makuu Ngaramtoni Arusha ambapo Kaimu Mkurugenzi Dr.Osmundi Ndomba ameyafunga mafunzo hafla iliyoshuhudiwa pia  na wajumbe wa Menejimenti.

Akiongea katika hafla hiyo Mratibu wa mafunzo ndg.Jumanne amesema mafunzo hayo yamekuwa na matokeo mazuri sana ambapo upimaji wa awali siku ya Kwanza na wa mwishoni umetofautiana na matokeo  ya mwisho yamekuwa mazuri ambapo washiriki wamejibu maswali Kwa ufasaha ikionyesha ni ushahidi walielewa wanachofundishwa, akileta maombi yake kama mratibu kwa Mamlaka katika hotuba yake amesema anaomba ufanyike utaratibu wa kuundwa umoja wa wauza pembejea kila mkoa kwani italeta mafanikio makubwa katika kudhibiti .Pia ameomba kuongezea Kwa idadi ya Wakaguzi katika maduka ya Viuatilifu ili kuleta tija zaidi.

Aidha Mkuu wa Idara ya Usimamizi wa Viuatilifu Dr  Oshingi Shilla akiongea katika hafla hiyo amewataka washiriki hao kwenda kutangaza Mamlaka ,pamoja na hilo amewataka iwapo wataenda kukumbana na uvunjifu wa sheria kwa wafanyabiashara wengine wasisite kutoa taarifa lakini pia wahakikishe wanatumia mfumo wa ATMIS ili kuisaidia Mamlaka kuboresha huduma zake,ameahidi pia kufanyia kazi changamoto zote ambazo watakuwa wameziwakilisha Kwa Mratibu .

Nae Mgeni rasmi Dr.Osmundi Ndomba akiongea wakati akifunga mafunzo hayo ametoa pongezi kwa timu nzima iliyoshiriki katika kila eneo kufanikisha mafunzo hayo,pili amesema pamoja na majukumu mengine kama kuwezesha biashara ya mazao kwa kuthibitisha ubora wa mazao yanayotakiwa Kusafirisha nje ya nchi ,kufanya utafiti wa Visumbufu na kutafuta mbinu za  udhibiti Mamlaka  pia ina jukumu la kuelimisha wakulima na Wafanyabiashara wa Viuatilifu juu ya matumizi sahihi ya Viuatilifu hivyo..

Aidha amewashukuru washiriki kwa kuunga mkono juhudi za Mamlaka kwa kushiriki mafunzo haya ya matumizi sahihi ya Viuatilifu  kwani ni moja  ya jukumu la Mamlaka  lakini amewataka waende kutoa mafunzo kwa wengine wasikae nayo  elimu waliyoipata bila kufundisha wengine,aidha amesema mafunzo haya yapo kisheria hivyo wazingatie miongozo waliyopewa. Sambamba na hilo amewataka kuwa makini katika utumiaji kwani Viuatilifu ni sumu vikitumika vibaya vinaweza kuleta madhara Kwa binadamu.

Akizungumzia suala la maombi ya kuongeza Wakaguzi Dr.Osmundi Ndomba amesema  Wakaguzi wanatakiwa kuweka msawazo kwa kufika maeneo ya vijijini hii ni moja ya njia ya kutatua upungufu huo wakati namna nyingine ikiangaliwa ya kutatua tatizo hilo ,lakini pia amesisitiza mafunzo haya kufanyika maeneo ya vijijini ili wote waweze kuelimika na mafunzo haya na hatimae kufikia lengo.

Mshindi wa Kwanza hadi watatu  katika upimaji wamekabidhiwa zawadi za vifaa kinga kama moja ya motisha kutokana na ufahulu mzuri kwenye upimaji,nao washiriki katika risala yao wameishukuru  Mamlaka Kwa mafunzo hayo na kutaka yaendelee sehemu zingine ili kuweza kuleta tija katika kilimo,pamoja na zawadi hizo washiriki wote wamepewa vyeti vya kufuzu mafunzo hayo ya matumizi sahihi ya Viuatilifu.

Mafunzo haya ni ya 59 tangu yalipoanza mwaka 1994,na  yataendelea kutolewa maeneo mbalimbali ili kuleta tija katika afya ya mimea,ili kupata matangazo ya mafunzo haya tembelea mitandao yetu ya kijamii tphpa_tz Instagram ,YouTube TPHPA HABARI TV

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more