TPHPA yapiga hatua utekelezaji wa Agizo la Rais, Mhe. Dkt. Samia Suluhu Hassan









 Leo Januari 25, 2023  Dkt. Osmund Ndomba Akimwakilisha Mkurugenzi Mkuu wa Mamlaka ya Afya ya Mimea na Viuatilifu Tanzania (TPHPA) ameshiriki zoezi la Wakuu wa Taasisi za Umma zilizopo Mkoani Arusha na Halmashauri za Mkoani hapo la Utiaji Sahihi wa Mkataba wa Mfumo mpya wa Usimamizi na Utendaji kazi katika utumishi wa Umma PEPMIS (Public Employee Performance Management Information Sysytem) na Mfumo wa Usimamizi wa Utendaji kazi katika ngazi ya Taasisi PIPMIS (Public Institutions Performance Management Information System) hii ikiwa ni utekelezaji wa agizo la Rais, Mhe. Dkt. Samia Suluhu Hassan anayelenga kuimarisha mifumo ya uwajibikaji inayowezesha viongozi na watumishi wa umma kuendelea kutekeleza majukumu yao kwa ufanisi wakati na mahali popote.


Akizungumza Wakati wa Akifungua Hafla hiyo Katibu Tawala Mkoa wa Arusha Ndg. Missaile Musa amesema kuwa Mfumo wa Usimamizi na Utendaji kazi katika utumishi wa Umma PEPMIS (Public Employee Performance Management Information Sysytem) utasaidia kuongeza uwajibikaji kwa watumishi wa Umma

Aidha Akizungumzia Mfumo wa Usimamizi wa Utendaji kazi katika ngazi ya Taasisi Public Institutions Performance Management Information System (PIPMIS) amesema kuwa Mfumo huu ni makubaliano ya kimaandishi kati ya Serikali na Taasisi ya Umma kuhusu malengo ambayo Taasisi husika itayatekeleza katika kipindi cha mwaka mmoja. 


Makubaliano hayo yatakuwa kati ya viongozi wakuu wa Taasisi na Viongozi wao wanaowasimamia katika masuala ya kisera na utendaji wa kila siku. Malengo yaliyomo ndani ya mikataba yatakuwa na vigezo, shabaha na viashiria vitakavyotumika katika utendaji wa taasisi kila mwaka. Utekelezaji wa Mfumo wa Huu wa PIPMIS utaongeza uwajibikaji katika utekelezaji wa sera, mikakati na vipaumbele vya taasisi, sekta na taifa kwa ujumla; kuimarisha utamaduni unaojali matokeo; na kuleta matumizi bora ya rasilimali za umma. Manufaa haya yatatokana na kuwepo kwa vigezo na viashiria vya kupima utendaji wa taasisi katika maeneo hayo 

Katika Mkoa wa Arusha Mamlaka ya Afya ya Mimea na Viuatilifu Tanzania (TPHPA) imekuwa miongoni Mwa Taasisi Kumi na Tisa 19 zilizokamilisha hatua awali na kufanikiwa kwa Mkuu wa Taasisi kusaini Mkataba huo.

Katika hafla hiyo Dkt. Osmund Ndomba aliambatana na Kaimu Mkuu wa kitengo cha utawala na usimamizi wa rasilimali watu Bi. Matika Maiseli na Kaimu Mkuu wa kitengo cha Mipango,ufuatiliaji na Tathimini wa Mamlaka hiyo Bwana Mathias Shindika.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more