TPHPA Yafanikisha kuandaa Nyaraka za Ufunguo wa Masoko Mapya kwa Mazao ya Kipaumbele Tanzania













TPHPA- Dodoma

Katika hatua muhimu kwa maendeleo ya kilimo nchini, Mamlaka ya Afya ya Mimea na Viuatilifu Tanzania (TPHPA) kwa Msaada kutoka Shirika la Umoja wa Mataifa la Chakula na Kilimo (FAO) kwa kushirikiana na Muungano wa Ulaya (EU), kupitia mradi wa kuimarisha Huduma za Afya ya Mimea na Usalama wa Chakula, wamefanikiwa kuandaa nyaraka za ufikiaji wa masoko kwa mazao 8 ya kipaumbele katika nchi 14. Hafla ya uzinduzi ilifanyika tarehe 18 Septemba 2024 katika Ukumbi wa Morena Hoteli Jijini Dodoma, ikiwa na mgeni rasmi, Naibu Waziri wa Kilimo, Mhe. David Silinde.

Katika hafla hiyo, Mhe. Silinde alikabidhi nyaraka za ufunguzi wa masoko kwa Bw. Salvatory Mbilinyi, Mwakilishi wa Katibu Mkuu Wizara ya Mambo ya Nje na Ushirikiano wa Kimataifa, Nyaraka hizi zinalenga kuondoa vikwazo vya usafirishaji wa mazao, ambayo kwa sasa bado hayajafikiwa kutokana na masharti ya awali yanayohitajika.

Mazao yanayohusika ni pamoja na vanilla, nanasi, parachichi, pilipili manga, kakao, na tumbaku, yanayotarajiwa kufungua fursa za kiuchumi za dola bilioni 3.5.

Mkurugenzi Mkuu wa TPHPA, Prof. Joseph Ndunguru, alisisitiza umuhimu wa kuimarisha masoko ya kimataifa na kuzingatia viwango vya usafi. Alieleza hatua mbalimbali zinazohitajika, kama uhakiki wa viwango vya usafi na matumizi ya teknolojia mpya, ili kufanikisha malengo ya biashara.

Hafla hiyo ilihudhuriwa na viongozi wa serikali, wadau wa maendeleo, na wawakilishi wa sekta binafsi, ikiwa ni ishara ya umoja katika kutekeleza mikakati ya kuimarisha sekta ya kilimo nchini Tanzania.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more