Wakulima Waonywa Kuhusu Matumizi yasiyosahihi ya Viuatilifu






TPHPA - NJOMBE


Katika mafunzo yanayoendelea kuhusu matumizi sahihi na salama ya viuatilifu yanayofanyika Makambako, Mkoani Njombe, Mamlaka ya Afya ya Mimea na Viuatilifu Tanzania (TPHPA) imewaonya watumiaji wa viuatilifu dhidi ya tabia ya kuzidisha au kupunguza vipimo vya viuatilifu katika kunyunyuzia mazao yao.


Bwana Christian Mayige, Mkufunzi wa mafunzo haya kutoka TPHPA, alisisitiza umuhimu wa kufuata maagizo sahihi kuhusu vipimo vya viuatilifu. Katika mafunzo yake, Mayige alieleza kwamba baadhi ya wakulima wanajitahidi kuzidisha vipimo vya viuatilifu kwa dhana ya kudhibiti visumbufu kwa haraka, lakini hii inaweza kuwa hatari kwa afya ya binadamu.


"Wakulima wengi wanapenda kuzidisha vipimo vya viuatilifu wakiamini kuwa hivi ndivyo wataweza kudhibiti visumbufu kwa haraka," alisema Mayige. "Hata hivyo, hatua hii ina hatari ya kuacha viuatilifu vingi kwenye mazao, jambo ambalo si salama kwa mwanadamu."


Katika mafunzo hayo, Mayige alitoa mwongozo kuhusu matumizi sahihi ya viuatilifu, akisema kuwa ni muhimu kutumia viuatilifu kwa wakati na kwa kiasi kilichoelekezwa. Aliongeza kuwa kunyunyuza kwenye sehemu iliyokusudiwa ni muhimu ili kuhakikisha matokeo mazuri na salama.


Mafunzo haya yalilenga kuhakikisha kwamba watumiaji wa viuatilifu wanapata uelewa wa kina kuhusu jinsi ya kutumia viuatilifu kwa usalama na ufanisi, huku wakiepuka hatari za kiafya zinazoweza kutokea kutokana na matumizi mabaya.


Kwa kuzingatia maelekezo haya, TPHPA inaamini kwamba wakulima wataweza kudhibiti visumbufu kwa njia salama na bora, hivyo kulinda afya ya walaji na kuongeza ubora wa mazao yao.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more