Maandalizi ya Timu za TPHPA kwaajili ya Mashindano ya SHIMMUTA 2024 yaanza kuwatisha Timu Pinzani















TPHPA - Arusha

Timu za wafanyakazi wa Mamlaka ya Afya ya Mimea na Viuatilifu Tanzania (TPHPA) zinaendelea na mazoezi kwa ajili ya mashindano ya Shirikisho la Michezo la Mashirika ya Umma, Taasisi, na Makampuni Binafsi (SHIMMUTA) 2024, yatakayofanyika mwezi Novemba mwaka huu Mkoani Tanga.


Katika maandalizi haya, timu ya mpira wa miguu ya wanaume imeanza kwa kucheza michezo miwili katika Mashindano ya SHIMMUTA northern zone, Mchezo wa kwanza ulifanyika tarehe 5 Oktoba 2024, ambapo walikabiliana na Timu ya Wafanyakazi wa Mamlaka ya Hifadhi ya Eneo la Ngorongoro (NCAA) Katika mchezo huo, TPHPA ilikosa goli na kumaliza kwa matokeo ya TPHPA (0) na NCAA (1). Hata hivyo, timu ya wanawake ya TPHPA ya Mpira wa Pete ilipata ushindi mzuri kwa kuibuka na goli 19 dhidi ya 11 dhidi ya Timu ya Wanawake wa Mamlaka hiyo ya Hifadhi ya Ngorongoro


Katika mchezo wa pili, timu ya wanaume ya TPHPA ilicheza dhidi ya Arusha Technical College (ATC) na kufanikiwa kupata ushindi mkubwa wa TPHPA (3) na ATC (0). Ushindi huu unatoa motisha kwa wachezaji na kuimarisha maandalizi yao kuelekea mashindano makubwa yanayokuja.


Michezo mingine inatarajiwa kuendelea katika juma hili, huku timu zote zikiwa na malengo makubwa ya kufanya vizuri katika mashindano ya SHIMMUTA. Timu za TPHPA zinaonyesha ari na juhudi za hali ya juu, na mashabiki wanatarajia kuona matokeo bora kutoka kwa wachezaji wetu. 


Tunaendelea kuwapa sapoti wachezaji wetu na tunawatakia kila la heri katika maandalizi yao!

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more

Mkurugenzi Mkuu wa TPHPA Apokea Makombe 6 yaliyopatikana Katika Mashindano ya Mei Mosi na SHIMMUTA 2024

Image
Mkurugenzi Mkuu wa Mamlaka ya Afya ya Mimea na Viuatilifu Tanzania (TPHPA), Profesa Joseph Ndunguru, amepokea jumla ya makombe 6 kutoka kwa Kamati ya Michezo ya Mamlaka hiyo, baada ya kufanya vyema katika mashindano mbalimbali yaliyofanyika kwenye mashindano ya SHIMMUTA jijini Tanga mwezi Novemba na sherehe za wafanyakazi (Meimosi 2024). Katika mashindano hayo, Mamlaka ya TPHPA ilifanikiwa kutwaa makombe katika michezo tofauti, ikiwa ni pamoja na: - Mchezo wa Bao: Mshindi wa Kwanza - Darts: Mshindi wa Pili - Karata: Mshindi wa Kwanza - Kukimbia kwenye Gunia: Mshindi wa Kwanza - Riadha: Mshindi wa Pili Akizungumza na Watumishi wa Mamlaka, Profesa Ndunguru alitoa pongezi kwa wachezaji wote walioshiriki na kushinda, akisisitiza umuhimu wa michezo katika kuboresha mahusiano kazini, afya njema, na kuongeza ufanisi wa kazi. Aliwataka watumishi wengine kujiunga na michezo ili waweze kufurahia faida zake, kama vile kujenga umoja na kukuza ustawi wa mwili na akili. Huu ni ushindi mkubwa kwa Mam...
Read more