TPHPA YAPEWA ENEO LA KUJENGA OFISI WILAYA YA GAIRO,DC MAKAME ASEMA WANAFANYA KAZI KUBWA


TPHPA - Gairo

Hayo yamejiri 9 Oktoba katika Viwanja vya shule ya Gairo A katika maonyesho ya Samia Kilimo Biashara Expo 2024, msimu wa tatu ambapo Mkuu wa Wilaya ya Gairo Mh.Jabiri Makame ametoa eneo kwa TPHPA kwa ajili ya ujenzi wa ofisi katika Wilaya hiyo ili kuendelea kurahisisha utoaji wa huduma kwa wakulima Wilayani humo na maeneo ya karibu.


"Nafarijika sana na jinsi Mamlaka ya Afya ya Mimea na Viuatilifu inavyojikita katika kutekeleza majukumu yake hapa Tanzania hasa katika kutatua matatizo kwa wakulima ikiwepo kuokoa mazao kutokana magonjwa na wadudu waaribifu, pia udhibiti baa la panya na ndege waaribifu jamii Kweleakwelea katika mashamba bila kusahau elimu kwa wakulima na wafanyabiashara wa Viuatilifu kuhusu matumizi salama na sahihi ya viuatilifu kwa lengo la kulinda afya ya binadamu,  wanyama na mazingira"alisema Mh.Makame


Akizungumzia kuhusu eneo la ofisi Mh.Jabir Makame amesema wanatoa eneo bure kwa ajili ya Mamlaka hii ili waweze kuwafikia wakulima kwa urahisi Wilayani Gairo na maeneo ya jirani, haswa ukizingatia Gairo ni eneo la kimkaati katika uzalishaji wa chakula nchini,kulinda usalama wa chakula tunachozalisha ni kipaumbele cha TPHPA na utekelezaji wa ajenda 10/30.


Nae Kaimu Meneja wa kanda ya Mashariki Dkt.Mahamudu M.Sasamalo  kwa niaba ya Mkurugenzi  Mkuu wa TPHPA Prof. Joseph C. Ndunguru akizungumzia swala hilo ametoa shukrani za dhati kwa  Mh.Makame kwa ukarimu huo na kutambua juhudi za TPHPA na kuona umuhimu wa kukabidhiwa eneo ili kujenga ofisi ambayo itakuwa ni msaada mkubwa sana katika kurahisisha huduma zitolewazo na TPHPA Wilayani humo na maeneo ya karibu na Wilaya hiyo, na wanasubiri kwa hamu taratibu za kiofisi kwa ajili ya makabidhiano


TPHPA AFYA YA MIMEA,AFYA YA MIMEA TPHPA

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more

Mkurugenzi Mkuu wa TPHPA Apokea Makombe 6 yaliyopatikana Katika Mashindano ya Mei Mosi na SHIMMUTA 2024

Image
Mkurugenzi Mkuu wa Mamlaka ya Afya ya Mimea na Viuatilifu Tanzania (TPHPA), Profesa Joseph Ndunguru, amepokea jumla ya makombe 6 kutoka kwa Kamati ya Michezo ya Mamlaka hiyo, baada ya kufanya vyema katika mashindano mbalimbali yaliyofanyika kwenye mashindano ya SHIMMUTA jijini Tanga mwezi Novemba na sherehe za wafanyakazi (Meimosi 2024). Katika mashindano hayo, Mamlaka ya TPHPA ilifanikiwa kutwaa makombe katika michezo tofauti, ikiwa ni pamoja na: - Mchezo wa Bao: Mshindi wa Kwanza - Darts: Mshindi wa Pili - Karata: Mshindi wa Kwanza - Kukimbia kwenye Gunia: Mshindi wa Kwanza - Riadha: Mshindi wa Pili Akizungumza na Watumishi wa Mamlaka, Profesa Ndunguru alitoa pongezi kwa wachezaji wote walioshiriki na kushinda, akisisitiza umuhimu wa michezo katika kuboresha mahusiano kazini, afya njema, na kuongeza ufanisi wa kazi. Aliwataka watumishi wengine kujiunga na michezo ili waweze kufurahia faida zake, kama vile kujenga umoja na kukuza ustawi wa mwili na akili. Huu ni ushindi mkubwa kwa Mam...
Read more