WAFANYABIASHARA WA VIUATILIFU MKOANI KATAVI WATAKIWA KURASIMISHA BIASHARA ZAO.






Hayo yamejiri wakati wa kufunga mafunzo ya matumizi sahihi ya Viuatilifu kwa Wafanyabiashara na Wakulima Mkoani Katavi ambapo Mgeni rasmi Kaimu RAS wa Mkoa wa Katavi ndg.Florence Lungwa amewataka Wafanyabiashara wa viuatilifu kurasimisha biashara zao kwa kukata vibali na kufuata taratibu zote zinazotakiwa ikiwepo kupata mafunzo ili kuwa huru na biashara zao kwani kufuata taratbu kutawafanya wajiamini na kuwa huru katika kazi zao,lakini pia itakuwa wamefuata matakwa ya kisheria.


Sambamba na hilo ndugu Florence  Lungwa amewataka kwenda kurekebisha makosa mbali mbali yaliokuwa yakifanyika au ambayo yangefanyika, "Mkarekebishe kulingana na taratibu mlizoelekezwa, msiruhusu watoto wadogo kuuza viuatilifu, msipimie watu viuatilifu, msichanganye viuatilifu na vitu vingine kama vyakula n.k, na mambo mengine yanayoathiri ufanisi wa viuatilifu na afya za watumiaji."alisema ndugu Florence


Licha ya haho amewapongeza Washiriki waliofuzu vyema mafunzo hayo lakini pia TPHPA kwa ujumla kwa jitihada zao katika kuhakikisha wanawaelimisha Wakulima na Wafanyabiashara Tanzania nzima ili kuleta tija katika kilimo jambo ambalo ndio ndoto ya serikali yetu na kufikia lengo la agenda 10/30.

Aidha msisitizo ulitolewa na Kaimu Meneja wa Kanda bi.Zuhura Msigwa kwa washiriki wa mafunzo kuwa kwa ajili ya kuongeza ujuzi wao katika fani hii ya viuatilifu na mabomba waendelee kuwa na mawasiliano ya karibu na wawezeshaji toka TPHPA, Arusha na Kanda pamoja na maeneo mengine wanayotoka ili kuweza kuboresha huduma zao na kukidhi mahitaji ya taifa na wateja wao.

 Akitoa tathmini ya jumla Mratibu wa Mafunzo ndg.Jumanne Rajabu amesema wastani wa jumla wa ufahulu ni asilimia 82 hivyo amewapongeza na kuwataka ambao hawakufuzu kutokata tamaa,aidha amesisitiza kuwa walioajiri au watakaoajiri wafanyakazi katika maduka yao wafanye jitihada za kuwapatia fursa ya kuhudhuria haya mafunzo ya taaluma maalum ya Viuatilifu .  Hii itawasaidia kujikinga na madhara ya Viuatilifu na pia kuwapa wakulima ambao ndio wadau wakubwa wa maduka haya elimu stahiki ya matumizi sahihi ya Viuatilifu kwa udhibiti endelevu wa visumbufu vya mazao.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more