Tanzania yaanza kupiga hatua mpango wa Usimamizi wa Vifungashio vya Viuatilifu//Wadau wakutana kujadili mikakati















Arusha, Disemba 12, 2024 – Mkurugenzi Mkuu wa Mamlaka ya Afya ya Mimea na Viuatilifu Tanzania (TPHPA), Prof. Joseph Ndunguru, amefungua kikao cha wadau kilichofanyika katika ukumbi wa Mamlaka ya Afya ya Mimea na Viuatilifu jijini Arusha. Kikao hiki kililenga kutafuta suluhu bora ya usimamizi wa vifungashio vya viuatilifu, ili kuhakikisha afya ya binadamu na uhifadhi wa mazingira kwa sasa na katika siku zijazo.


Katika hotuba yake, Prof. Ndunguru alisema kwamba kutokuwepo kwa usimamizi mzuri wa vifungashio vya viuatilifu kuna hatarisha mazingira na afya ya binadamu, hasa kwa wakulima wanapotumia viuatilifu bila ya kufuata taratibu bora za usimamizi wa vifungashio hivyo.


Bwana Raphael Mwezi, Afisa Mwandamizi kutoka TPHPA, alifafanua kwamba kikao hicho kimejumuisha wadau kutoka sekta mbalimbali, akiwemo Baraza la Taifa la Hifadhi na Usimamizi wa Mazingira (NEMC), Ofisi ya Makamu wa Rais, Muungano na Mazingira, wakulima, wataalamu kutoka TPHPA, na wadau wa viuatilifu. Lengo kuu la kikao hiki ni kuhakikisha njia sahihi na salama za usimamizi wa vifungashio vya viuatilifu zinazochukuliwa kwa ajili ya kulinda afya ya wakulima na mazingira.


Bwana Mwezi aliongeza kuwa hatua ya Mamlaka ya Afya ya Mimea na Viuatilifu ni muhimu kwa kuwa inahakikisha kwamba vifungashio vya viuatilifu vinakusanywa hivyo kuepuka madhara yanayotokana na uharibifu wa mazingira na athari za kiafya, alieleza kuwa Mamlaka ya Afya ya Mimea na Viuatilifu kwa kushirikiana na wadau, imefanikiwa kujenga vibada 12 katika mikoa ya Arusha na Kilimanjaro, kama sehemu ya juhudi za kukusanya vifungashio vya viuatilifu vilivyotumika.


 Hii ni hatua muhimu katika kuhakikisha kuwa vifungashio hivyo havileti madhara kwa mazingira na afya ya binadamu.


Katika kikao hicho, wadau walipata fursa ya kujadiliana na kutoa mapendekezo ya jinsi ya kuboresha usimamizi wa vifungashio vya viuatilifu, ikiwa ni pamoja na njia za kuboresha uhamasishaji kwa wakulima na jamii kwa ujumla kuhusu umuhimu wa kutunza vifungashio hivyo kwa usalama.


Kikao hicho kilikuwa na umuhimu mkubwa kwa sekta ya kilimo, afya na mazingira nchini, na kinatarajiwa kuleta mabadiliko chanya katika usimamizi wa viuatilifu na kuhakikisha usalama wa wakulima na mazingira kwa ujumla.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more