Wakulima wa Mbogamboga, Matunda na Maua Wapata Mafunzo ya Matumizi Sahihi ya Viuatilifu











Arusha, Tanzania 1 Disemba 2024 Wakulima wa mbogamboga, matunda, maua na viungo kutoka mikoa mbalimbali ya Tanzania wamepatiwa mafunzo ya kina kuhusu matumizi sahihi ya viuatilifu katika kilimo, ikiwa ni sehemu ya juhudi za kuboresha uzalishaji na uhifadhi wa mazingira. Mafunzo hayo yalifanyika kwa siku mbili katika Kituo cha TAHA kilichopo Viwanja vya Nanenane, Mkoani Arusha, na yalihusisha wadau mbalimbali kutoka sekta ya kilimo.

Mafunzo hayo yalifadhiliwa na Serikali ya Uholanzi kwa kushirikiana na TPHPA (Tanzania Plant Health and Pesticides Authority) pamoja na TAHA (Tanzania Horticultural Association). Lengo kuu lilikuwa kuwajengea wakulima uwezo wa kutambua na kudhibiti visumbufu mashambani, hasa wadudu na magonjwa, kwa njia salama na endelevu, huku wakizingatia usalama wa mazingira na afya za walaji.


Wakulima walifundishwa jinsi ya kutambua visumbufu mbalimbali, ikiwa ni pamoja na wadudu, magonjwa, na kuvu vinavyoathiri mazao yao ya mbogamboga, matunda, maua, na viungo. Pia walijifunza kuhusu mbinu bora za kutumia viuatilifu na wakati muafaka wa kufanya unyunyiziaji ili kudhibiti visumbufu hivyo.


“Katika kilimo cha kisasa, ni muhimu kutumia viuatilifu kwa usahihi na kwa wakati unaofaa. Hatupaswi kutumia kemikali nyingi zaidi ya zinazohitajika, kwani hii inaweza kuwa hatari kwa afya zetu na mazingira,” alisema Ndug. James Simon, mtaalamu kutoka TPHPA, aliyeongoza mafunzo hayo.


Mafunzo hayo ni sehemu ya mpango wa TPHPA wa kukuza kilimo endelevu na salama hapa nchini, Mamlaka imekuwa mstari wa mbele katika kusaidia wakulima, hasa katika masuala ya kilimo cha mbogamboga na matunda.


Washiriki walifurahia mafunzo haya na walionyesha hamu kubwa ya kutumia mbinu mpya zilizofundishwa. Wakulima wengi walikiri kuwa elimu ya matumizi sahihi ya viuatilifu ni muhimu kwa kuongeza uzalishaji wa mazao bora na salama, huku wakiepuka athari zinazoweza kutokea kutokana na matumizi mabaya ya kemikali.


“Nilikuwa siijui vizuri aina ya viuatilifu na ni lini niwe nayatumia. Sasa nimeshafahamu jinsi ya kufanya unyunyiziaji na ni wakati gani sahihi wa kufanya hivyo ili kuepuka madhara kwa mazao na mazingira

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more