TPHPA YASISITIZA UTUNZAJI WA MBEGU ZA ASILI








 Hayo yamesemwa na Kaimu Mkuu wa Kitengo cha Taifa Cha Hifadhi ya Nasaba za Mimea (NPGRC) Dkt. Sospeter Mujuni Kabululu wakati alipotembelewa na ugeni wa wataalamu kutoka Lusaka Zambia ambao wametembelea TPHPA kwa ajili ya kujifunza masuala ya namna ya utunzaji na uzalishaji wa mbegu za asili ambapo Kaimu huyo amebainisha kuwa mbegu za asili ni muhimu kutunza kwa ajili ya matumizi ya baadae kwani itasaidia kama akiba ambapo kwa sasa mbegu hizi zimekuwa zikipotea kadri muda unavyozidi kwenda.

Akifafanua zaidi Dkt. Kabululu amesema imekuwa ni kawaida kwa jamii ya sasa kutumia mbegu za kununua madukani ambapo kabla hazijaoteshwa zinapitia utafiti wa kimaabara kwa ajili ya chunguzi mbalimbali kuhusu ufanisi wake katika uzalishaji  haswa wa mazao ya chakula na biashara, na kuacha matumizi mbegu za asili kwa mtazamo wa kwamba hazina ufanisi ukilinganisha na mbegu hizo za kisasa.

Ameongeza kuwa Hifadhi ya Taifa ya Nasaba za Mimea haijabaki nyuma kwa kuendelea kutafuta, kuhifadhi na kuzalisha mbegu hizi za asili kwa faida ya wakulima na jamii kiujumla, 

Pia ametoa wito kwa jamii kuwa wanatakiwa kutumia mbegu za asili kwani zinamatokeo mazuri kwa mazao ya chakula na lishe bora.

Akitaja sababu za kuvutiwa kuja kutembelea Kituo hiki hapa Tanzania amesema ugeni  ulihamasishwa na namna ambavyo Wawakilishi kutoka Tanzania walivyowasilisha utendaji wa kazi na mipango ya utekelezaji  katika Mikutano mikubwa inayojumuisha nchi zote 16 za ukanda wa Kusini mwa Africa namna kazi zinavyofanyika hapa nchini hivyo wakavutiwa na kuamua kufika kujionea wenyewe. 

Aidha mmoja wa wageni ambae ni Mkuu wa Hifadhi ya Nasaba za Mimea (SPGRC) kutoka Lusaka Zambia Bi. Tilabilenji Phiri Akiongea wakati wa ziara hiyo amesema

uhifadhi wa Mbegu hizi za Asili utawezesha wakulima na watafiti kupata sifa mbalimbali za mazao na hivyo kuhakikisha usalama wa chakula na lishe bora siku za mbeleni" 

Nae Bi. Peggi Ng'ono Msimamizi wa Uhifadhi kutoka SPGRC ambae pia ni mmoja wa wageni hao aliongeza kuwa wameridhishwa na uendeshaji wa shughuli zote zinazofanyika katika kuendeleza na kuhamasisha wakulima kutumia Mbegu za Asili kwani tafiti zinaonesha kwamba zaidi ya asilimia 90 ya uzalishaji wa chakula na upatikanaji wa lishe bora unachangiwa na Mbegu za Asili.

Katika Kipindi chote cha ziara, wataalamu hawa  walipata nafasi ya kujionea namna NPGRC inavyoendeleza uzalishaji wa mbegu hizi za Asili karibu na maeneo ambayo kuna shughuli kubwa za  kilimo kwa kuanzisha Benki za Jamii ambazo zinarahisisha upatikanaji wa mbegu hizo kwa wakulima wa ngazi zote.

Wataalamu hawa kutoka Lusaka Zambia walhitimisha ziara yao ya Siku tano kwenye Makao Makuu ya Mamlaka yaliyopo Ngaramtoni mkoani Arusha 31 Januari 2025 kwa kutembelea vituo mbalimbali vinavyoendeleza uzalishaji wa Mbegu za Asili na Mazao ya Chakula vikiwemo vituo vilivyopo katika Kijiji cha Slahhamo na Kijiji cha Kambi ya Simba Wilayani Karatu mkoani Manyara.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more