Wataalamu wa TPHPA Wakutana Kujadili Taratibu za Kufungua Masoko ya Nje kwa Zao la Macadamia








Februari 25, 2025, wataalamu kutoka Mamlaka ya Afya ya Mimea na Viuatilifu Tanzania (TPHPA) kutoka idara ya Usimamizi wa Afya ya Mimea walikutana kwa siku tatu katika Ukumbi wa Kituo cha Udhibiti wa Visumbufu vya Mimea Kibiolojia, Kibaha. Lengo kuu la kikao hicho kilikuwa kujadili na kuandaa nyaraka za awali zitakazowezesha kufungua masoko ya nje kwa zao la Macadamia.

Akizungumza na TPHPA Habari, Kaimu Meneja wa Kitengo cha Usimamizi wa Afya ya Mimea, Dkt. Benignus Ngowi, alisema kikao hicho kilijumuisha wataalamu wa masoko ya mazao na afya ya mimea. Waliangazia masuala muhimu kama vile kujua wazalishaji wa zao hilo nchini na kufanya intelijensia kuhusu matakwa ya nchi zinazonunua zao hilo.

Kwa upande mwingine, Kaimu Meneja wa Kitengo cha Malizia Sokoni na Uwezeshaji Biashara, Ndug. Katemani Mdili, alisema mchakato wa kufungua masoko ya nje umeanza kwa haraka kutokana na uhitaji mkubwa wa wakulima wa Tanzania kutaka kusafirisha zao hili kwa ajili ya biashara. Alifafanua kuwa Macadamia ina uhitaji mkubwa duniani, na mnunuzi mkubwa wa zao hilo ni China, inayonunua kwa zaidi ya asilimia 55 ya uzalishaji wa Macadamia duniani, ikifuatiwa na Marekani na nchi za Ulaya. Hata hivyo, alisema kuwa kilo moja ya Macadamia inathamani ya 60,000.

Zao la Macadamia ni fursa kubwa kwa wakulima na uchumi wa Tanzania. Likiwa na thamani ya juu katika soko la kimataifa, macadamia inasaidia kuongeza kipato cha wakulima, kuchochea ajira, na kukuza sekta ya kilimo. Kwa kuzingatia kilimo bora na usindikaji wa zao hili, Tanzania ina uwezo wa kuwa muuzaji mkubwa wa Macadamia duniani.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more