TPHPA YAFANYA UKAGUZI KATIKA MASHAMBA MAKUBWA KANDA YA KASKAZINI, WAKULIMA WAFURAHIA UKAGUZI






Wataalam kutoka Tanzania Plant Health and Pesticides Authority (TPHPA)wapo Kanda ya Kaskazini katika Ziara ya ukaguzi kwenye mashamba makubwa mbalimbali ya mazao yasafirishwayo nje ya nchi  ikiwa ni sehemu ya juhudi endelevu za kuhakikisha uzalishaji wa mazao unafuata viwango vya ubora na usalama kwa soko la ndani na kimataifa.

Ziara hii inahusisha Ukaguzi wa matumizi ya viuatilifu, udhibiti wa wadudu waharibifu, mifumo ya umwagiliaji, mbinu bora za kilimo na utoaji ushauri katika changamoto wanazokutana nazo wakulima ikiwepo magonjwa yanayoikumba mimea .

Katika ziara hii, wataalam wanatembelea mashamba makubwa ya wakulima takriban 25 wanaosafirisha bidhaa zao nje ya nchi ambapo wanashuhudia maendeleo makubwa yaliyotokana na ushauri wa kitaalam unaotolewa na TPHPA.

Akizungumza kuhusu  Ukaguzi huu Mtaalam wa TPHPA ndugu Jumanne Mgana amesema malengo ya ukaguzi  katika mashamba hayo ni kukagua mimea na uwepo wa visumbufu vya Karantini na magonjwa yanayoweza kusababisha athari kwenye mazao yanayopelekwa nje ya nchi na kupelekea kutokukidhi vigezo , pia wataalam kujiridhisha hali ya mashamba ili wakati wa utoaji wa vyeti vya usafi wa mazao tayari  wanakuwa wana taarifa ya mashamba hayo, kupunguza na Kuondoa kabisa  ukiukwaji wa sheria (notification of noncompliance) aidha kuwasisitiza wakulima hao umuhimu wa kufuata kanuni za matumizi salama ya viuatilifu ili kulinda afya ya walaji na mazingira.  

Pamoja na hayo ndugu Jumanne amesema baada ya ukaguzi hutoa ripoti maalum ya ukaguzi ambayo wakulima hao hupaswa pia kuionyesha pindi waombapo cheti cha usafi wa mazao. 

Kwa upande wao, wakulima wa Mashamba haya makubwa wanaeleza mafanikio wanayoyapata kutokana na ushauri wa wataalam wa TPHPA, huku wakisema kuwa elimu wanayopewa inawasaidia kuongeza uzalishaji na ubora wa mazao yao. Baadhi yao wanaeleza changamoto wanazokabiliana nazo, zikiwemo mabadiliko ya tabia ya nchi, wadudu waharibifu na jinsi TPHPA inavyojikita katika kusaidia utatuzi wa changamoto hizo na kuboresha zaidi uzalishaji wao.

Ziara hii ni moja ya hatua muhimu katika kuhakikisha kuwa sekta ya kilimo nchini Tanzania inakua kwa kasi na kushindana katika soko la kimataifa. TPHPA inaahidi kuendelea kushirikiana na wakulima kwa kufanya ukaguzi kila mwezi na kutoa elimu na ushauri wa kitaalam ili kuhakikisha kuwa mauzo ya mazao nje ya nchi yanaongezeka, na sekta hiyo inachangia zaidi katika uchumi wa taifa.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more