TPHPA yawakutanisha wadau Dodoma kuthibitisha Mkakati wa Taifa wa Udhibiti wa Ugonjwa wa Fungashada ya Migomba








Mamlaka ya Afya ya Mimea na Viuatilifu Tanzania (TPHPA) kwa ushirikiano na Shirika la Kilimo na Chakula la Umoja wa Mataifa (FAO), kupitia mradi wa STREHIT,Machi 13, 2025 imewakutanisha wadau mbalimbali katika Ukumbi wa Mikutano wa Mesuma Hoteli, Dodoma, ili kupitia, kujadili, kutoa mapendekezo, na kuthibitisha Mkakati wa Taifa wa Udhibiti wa Ugonjwa wa Fungashada ya Migomba (BBTV). Mkutano huu ulifunguliwa na Ndugu Musa Chidinda,Kaimu Meneja wa Usimamizi wa Usafi wa Mimea na Karantini ya Taifa(TPHPA) akimwakilisha Mkurugenzi Mkuu wa TPHPA, Prof. Joseph Ndunguru.


Akizungumza wakati wa ufunguzi wa mkutano, Ndugu Musa Chidinda alisema, "Ugonjwa wa Fungashada ya Migomba ni tishio kwa uzalishaji wa ndizi nchini, zao ambalo ni muhimu kwa lishe, kipato cha wakulima, na uchumi wa taifa kwa ujumla. Serikali kupitia TPHPA imechukua hatua madhubuti kuhakikisha tunapambana na ugonjwa huu kwa njia mbalimbali, ikiwemo utoaji wa elimu kwa wakulima, uangamizaji wa migomba iliyoathirika, na usambazaji wa miche salama."

Hata hivyo, Chidinda alisisitiza kwamba ugonjwa huu bado haujadhibitiwa kikamilifu, na kwamba mkutano huu ni muhimu kwa ajili ya kuthibitisha mkakati wa kitaifa wa kudhibiti ugonjwa huu ili kulinda kilimo cha migomba kwa vizazi vijavyo.

Tangu mwaka 2021, ugonjwa wa Fungashada ya Migomba ulibainika kwa mara ya kwanza Wilayani Buhigwe, Mkoa wa Kigoma. Ugonjwa huu unasababishwa na virusi vya jamii ya Babuvirus kutoka familia ya Nanoviridae na huenea kupitia machipukizi yaliyoathirika pamoja na wadudu mafuta (Pentalonia nigronervosa)

Mamlaka ya Afya ya Mimea na Viuatilifu Tanzania inaendelea na jitihada mbalimbali kukabiliana na ugonjwa huu na imeandaa Mkakati wa Taifa wa Kudhibiti Fungashada ya Migomba, ambao kwa sasa upo katika hatua za kuthibitishwa.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more