TPHPA YATUMIA KONGAMANO LA PEMBEJEO MKOANI MBEYA KUWAASA WAKULIMA JUU YA MATUMIZI SAHIHI NA SALAMA YA VIUATILIFU











Akifungua Kongamano hilo litakalofanyika kwa siku mbili Mkuu wa Mkoa wa Mbeya Mhe. Juma Zuberi amewapongeza taasisi ya CropLife Tanzania kwa kuandaa kongamano hilo mkoani hapo kwani litawasaidia wakulima wengi kwa kuwaongezea uwezo na kuzidi kuimarisha uzalishaji wa mazao bora ya biashara pamoja na chakula.

Ikiwa kama mshiriki mkuu wa Kongamano hilo, Mamlaka ya Afya Mimea na Viuatilifu Tanzania (TPHPA) imetumia uwanja wa Kongamano hilo kuwafundisha wakulima  matumizi  Sahihi na Salama ya Viautilifu, Utambuzi wa visumbufu mbalimbali pamoja na njia za kuwadhibiti.

Mdhibiti Ubora wa Viuatilifu kutoka TPHPA Ndg.Ramadhani Kilewa amewaasa wakulima kuzingatia maelezo yanayoandikwa kwenye vibandiko vya viuatilifu ili kuepusha matumizi ya Viuatilifu bandia, Kukosea na kutumia kiuatilifu kisichoendana na zao au visumbufu husika na pia Kujikinga dhidi ya Madhara yatokanayo na kutotumia viuatilifu kwa Usahihi na Usalama kwani viuatilifu hivi ni Sumu.

Uwepo wa TPHPA Kongamano hilo unasisitiza dhamira yao ya sio tu kudhibiti viuatilifu bali pia kukuza utamaduni wa matumizi salama na uwajibikaji ndani ya jumuiya ya kilimo kwa kushirikiana moja kwa moja na wakulima na wadau wengine wa kilimo ambapo TPHPA inalenga kuongeza uelewa, kujenga uwezo, na hatimaye kuchangia katika kanuni za kilimo bora na uzalishaji salama wa chakula nchini Tanzania.

Kongamano hili lenye Kauli mbiu ya “Kuelekea Dira ya 2050 – Pembejeo Sahihi kwa Chakula Salama” limeanza leo tarehe 25 Aprili 2025 na kufikia tamati hapo kesho na pia limeambatana na maonesho madogo kwa Taasisi Zilizoshiriki kongamano hilo kupata nafasi ya kuonesha Huduma na Bidhaa wanazozizalisha kwa faida ya Mkulima.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more