TPHPA YADHIBITI HATARI YA UHARIBIFU WA MPUNGA MASHAMBANI :



Yatoa Elimu  utegaji Sumu ya Panya mashambani na kusimamia Uchanganyaji wa sumu na Chambo Zanzibar

Katika kuhakikisha usalama wa binadamu, mifugo, na mazingira wakati wa kudhibiti panya mashambani, Wataalam kutoka  TPHPA wametoa  elimu ya tahadhari kwa wakulima wa Zanzibar  kabla ya kuweka sumu ya kuua panya kwenye mashamba yao.

Zoezi hili limefanyika katika maeneo mbalimbali ya Zanzibar likiwemo eneo la Bumbwisudi, Cheju na Kilombero. Wakulima walipokea mafunzo ya kina kuhusu matumizi salama ya sumu, hatua za kuchukua ili kujikinga na madhara, na umuhimu wa kushirikiana na wataalamu katika hatua zote za utegaji.

Wataalam hao walisisitiza tahadhari muhimu kama kuhakikisha Sumu haitumiki ndani ya nyumba, kuwepo kwa alama ya kitambaa chekundu  katika Shamba lililotegwa  sumu ili kujulisha hatari katika eneo hilo, Watoto na mifugo wasikaribie eneo lenye sumu.

Vilevile Vifaa vilivyotumika kubebea au kuchanganya sumu (mfano mifuko) vichomwe moto baada ya matumizi.

Aidha, shughuli za uchanganyaji na usambazaji wa sumu zinasimamiwa kwa karibu na wataalamu wa TPHPA, kuhakikisha maelekezo ya usalama yanafuatwa kikamilifu kabla ya sumu kufikishwa mashambani.

Akiongea Mkuu wa Kituo cha Udhibiti wa panya cha TPHPA kilichopo Morogoro bi Christina amesema elimu kabla ya uchanganyaji katika chambo ni muhimu kwani kumekuwa na hatari nyingi likiwemo vifo kutokana na ukosefu wa elimu sahihi juu ya  matumizi yasiyo sahihi ya sumu hizi. 

Wakulima waliopokea elimu hiyo waliishukuru TPHPA kwa kuwapa maarifa muhimu. “Hatukuwa tunajua madhara ya kutumia sumu bila tahadhari. Sasa tumeelimika, tutaweka alama, na kuchukua hatua za kujilinda sisi na familia zetu,” alisema mmoja wa wakulima wa Bumbwisudi.

Kwa hatua hii, TPHPA inachangia moja kwa moja katika utekelezaji wa Agenda 10/30 ya Serikali inayolenga kuongeza tija katika kilimo kwa kutumia teknolojia salama na kuongeza ushiriki wa wakulima katika kilimo bora chenye tija. 

Udhibiti wa visumbufu kama panya ni sehemu muhimu ya kuongeza uzalishaji wa mazao na hivyo kukuza kipato cha wakulima na ni msingi wa kumfikia lengo la kiuchumi kupitia kilimo  ifikapo mwaka 2030.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more