TPHPA YASHIRIKIANA NA PPD ZANZIBAR KUKABILI BAA LA PANYA MASHAMBANI,HEKA 700 ZA MAZAO ZADHIBITIWA KUTOKANA NA PANYA WAHARIBIFU







Katika jitihada za kuimarisha usalama wa chakula na kulinda uzalishaji wa mazao visiwani,  TPHPA kwa kushirikiana na Divisheni ya Plant Protection ya Zanzibar kupitia Wizara ya Kilimo, wanafanya ushirikiano kwa pamoja ya kudhibiti baa la panya kwa kutumia sumu iliyotolewa na TPHPA. 

Zoezi hili  ni kufuata ombi  kutoka kwa Katibu Mkuu wa Wizara ya Kilimo ya Serikali ya Mapinduzi ya Zanzibar kwa TPHPA, likiwa ni sehemu ya mpango wa haraka kukabiliana na baa la panya  waharibifu  katika  mashamba ya Mpunga yenye kubwa wa heka takriban 700 kwa Unguja na Pemba.

Kupitia ushirikiano huo, TPHPA imepeleka wataalam wake visiwani kwa ajili ya kusimamia zoezi zima la maandalizi, utoaji wa elimu ya namna ya udhibiti kwa wakulima, pamoja na uchanganyaji na usambazaji wa sumu kwa uangalizi wa kitaalamu.

“Huu ni mfano bora wa ushirikiano kati ya taasisi za Muungano. "Tumepokea sumu kutoka TPHPA baada ya kuwasilisha mahitaji yetu, na wamekuja pamoja na wataalamu wao kusimamia na kuhakikisha inatumiwa kwa usalama na kwa ufanisi,” alisema Mkuu wa Divisheni ya Plant Protection Zanzibar Mr. Adam

Wakulima wamefaidika si tu kwa kupata sumu ya kudhibiti panya, bali pia kwa kupata mafunzo kuhusu matumizi salama ya sumu hiyo. 

Kwa upande wao, wataalam wa TPHPA walisema ushirikiano huu ni sehemu ya dhamira ya TPHPA kushirikiana na wadau mbalimbali wa kilimo nchini kote ili kuhakikisha changamoto za visumbufu zinashughulikiwa kitaalamu na kwa wakati.

Operesheni hii ya pamoja inaonesha namna taasisi za serikali, zinavyoweza kushirikiana kwa ufanisi katika kulinda sekta ya kilimo  ambayo ni uti wa mgongo wa uchumi wa wananchi.

Kwa kushirikiana hivi, Serikali ya Mapinduzi ya Zanzibar  kupitia Wizara ya Kilimo chini ya DPP(Divisheni ya Ulinzi wa mimea) na Wizara ya Kilimo Tanzania Bara kupitia TPHPA wanatoa mfano halisi wa utekelezaji wa sera ya kitaifa ya ushirikiano kati ya sekta, huku pia wakichangia kwa vitendo malengo ya Agenda 10/30, inayolenga kuongeza uzalishaji na usalama wa chakula kupitia teknolojia na usimamizi bora wa rasilimali.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

TPHPA WAKABIDHIWA MAABARA YA KISASA ILIYOGHARIMU BIL.3.8, KATIBU MKUU WIZARA YA KILIMO ATOA MAAGIZO

Image
Hayo yamejiri  13/8/2024 katika kituo cha  kudhibiti visumbufu vya mimea kibiolojia ambapo kilichopo Kibaha Mkoa wa Pwani ambapo Mgeni Rasmi alikuwa Katibu Mkuu Wizara ya Kilimo Mh. Gerald Mweli.  Akiongea wakati wa kukabidhi Maabara hiyo kwa TPHPA mara  baada ya yeye kukabidhiwa  kutoka kwa Msimamizi wa Mradi TANIPAC  Bwana Clepin Josephat  Mh. Mweli amewataka TPHPA kulinda na kulitunza jengo hilo lakini pia kutokana na malengo  ya ujenzi wa Maabara hiyo matokeo yaonekane na hatimae kuongeza uchumi wa nchi kutokana na kukua kwa biashara ya mazao."Tunatarajia sasa Maabara hii ilikalete matokeo kulingana na malengo ,sisi kama wizara tumefanya sehemu yetu nanyi pia mfanye aidha msisite pale mtakapohitaji ushauri au msaada wowote tuko pamoja nanyi tutafanya kazi kama timu" alisema  Mh. Mweli. Nae Mwenyekiti wa bodi ya Wakurugenzi wa TPHPA Prof.Temu  ameishukuru serikali kwa   kuwezesha kupatikana kwa Maabara hiyo kupitia Mradi wa ...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more