TPHPA yazidi kuimarisha wataalamu wake Juu ya Matumizi ya Drone//Watangaza fursa kwa Wakulima









Arusha, Julai 24, 2025 — Mamlaka ya Afya ya Mimea na Viuatilifu Tanzania (TPHPA) imepokea rasmi ripoti ya wataalamu wake waliorejea kutoka nchini Kenya walikokuwa wakipata mafunzo ya juu kuhusu matumizi ya ndege nyuki (droni) kwa ajili ya uchunguzi wa afya ya mimea kwa kutumia teknolojia ya kisasa ya Advanced Photogrammetry Intelligence. Hafla ya upokeaji wa ripoti hiyo imefanyika katika Ofisi za Makao Makuu ya TPHPA zilizopo jijini Arusha.

Teknolojia ya Advanced Photogrammetry Intelligence inahusisha matumizi ya picha za angani zinazopigwa na droni kwa ajili ya kuchambua kwa usahihi hali ya mimea, udongo, na miundombinu ya mashamba. Kupitia mbinu hiyo, TPHPA inalenga kuboresha mifumo ya ulinzi wa mimea nchini kwa kutumia teknolojia za kisasa zinazoendana na mabadiliko ya hali ya hewa na changamoto nyingine katika kilimo.

Kwa sasa, TPHPA inamiliki jumla ya droni 20 zilizotengwa mahsusi kwa ajili ya shughuli za uchunguzi wa afya ya mimea na usimamizi wa mashamba. Droni hizo zitatumika katika maeneo mbalimbali ya kilimo nchini, chini ya usimamizi wa wataalamu waliopatiwa mafunzo maalum, ili kutoa taarifa za kisayansi zitakazosaidia kufanya maamuzi sahihi katika uzalishaji wa mazao.

Huduma hii inalenga kuwahudumia wakulima wadogo na wakubwa, vikundi vya wakulima, taasisi za kifedha zinazotoa mikopo ya kilimo, pamoja na mashirika na taasisi za utafiti wa kilimo na afya ya mimea. Kwa kutumia droni hizo, wakulima wataweza kufuatilia maendeleo ya mazao yao, kugundua magonjwa ya mimea mapema, kuchambua afya ya mimea, kupima hali ya udongo, kudhibiti visumbufu na magonjwa, pamoja na kusimamia matumizi ya maji kwa ufanisi mkubwa.

Kwa mujibu wa taarifa kutoka TPHPA, matumizi ya teknolojia hii yataongeza tija ya uzalishaji mashambani, kupunguza hasara kwa wakulima, na kuimarisha uwezo wa kufanya maamuzi ya kilimo kwa kuzingatia taarifa sahihi za kisayansi. Mamlaka hiyo inatoa wito kwa wakulima na wadau wote wa sekta ya kilimo nchini kuwasiliana nao kwa ajili ya kupata huduma, mafunzo, na usaidizi kuhusu matumizi ya teknolojia hiyo mpya. Na Kwasasa Mamlaka inazo ndege nyuki (Drone) zipatazo 20 maalumu kwaajili hiyo.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more

Mkurugenzi Mkuu wa TPHPA Apokea Makombe 6 yaliyopatikana Katika Mashindano ya Mei Mosi na SHIMMUTA 2024

Image
Mkurugenzi Mkuu wa Mamlaka ya Afya ya Mimea na Viuatilifu Tanzania (TPHPA), Profesa Joseph Ndunguru, amepokea jumla ya makombe 6 kutoka kwa Kamati ya Michezo ya Mamlaka hiyo, baada ya kufanya vyema katika mashindano mbalimbali yaliyofanyika kwenye mashindano ya SHIMMUTA jijini Tanga mwezi Novemba na sherehe za wafanyakazi (Meimosi 2024). Katika mashindano hayo, Mamlaka ya TPHPA ilifanikiwa kutwaa makombe katika michezo tofauti, ikiwa ni pamoja na: - Mchezo wa Bao: Mshindi wa Kwanza - Darts: Mshindi wa Pili - Karata: Mshindi wa Kwanza - Kukimbia kwenye Gunia: Mshindi wa Kwanza - Riadha: Mshindi wa Pili Akizungumza na Watumishi wa Mamlaka, Profesa Ndunguru alitoa pongezi kwa wachezaji wote walioshiriki na kushinda, akisisitiza umuhimu wa michezo katika kuboresha mahusiano kazini, afya njema, na kuongeza ufanisi wa kazi. Aliwataka watumishi wengine kujiunga na michezo ili waweze kufurahia faida zake, kama vile kujenga umoja na kukuza ustawi wa mwili na akili. Huu ni ushindi mkubwa kwa Mam...
Read more