TPHPA Yazidi kupiga Hatua katika Matumizi ya Teknolojia za Kisasa Kudhibiti Visumbufu na Kuimarisha Biashara ya Mazao Nchini




Mamlaka ya Afya ya Mimea na Viuatilifu Tanzania (TPHPA) imeanza kutumia teknolojia ya kisasa ya Kichambuzi cha Vinasaba Kinachobebeka (Portable DNA Sequencer) kwa ajili ya kuchambua DNA ya visumbufu vinavyoathiri mazao ya kilimo. Hatua hii inalenga kusaidia wakulima kupata suluhisho sahihi la kudhibiti visumbufu na kuboresha ubora wa mazao kwa ajili ya biashara ya ndani na nje ya nchi.

Akizungumza tarehe 30 Julai 2025 katika Makao Makuu ya TPHPA jijini Arusha, Mkurugenzi Mkuu wa TPHPA, Profesa Joseph Ndunguru, alisema kuwa mamlaka imenunua vifaa 20 vya Kichambuzi cha Vinasaba Kinachobebeka ambavyo vitasambazwa kwenye vituo vya mamlaka vya mipakani ili kurahisisha ukaguzi wa mazao yanayoingia na kutoka nchini. Baadhi ya vifaa hivyo pia vitatumika kutoa huduma za kitaalamu kwa taasisi na wadau mbalimbali, hatua itakayosaidia kuongeza mapato ya ndani na kupanua huduma za kisayansi katika sekta nyingine kama mazingira, udongo, afya na wanyama.

Prof. Ndunguru alieleza kuwa teknolojia hiyo ina uwezo wa kuchambua vinasaba vya virusi, fangasi, bakteria na wadudu kwa usahihi mkubwa. Hii inamwezesha mtaalamu kutoa mapendekezo ya kudhibiti kisumbufu kwa njia sahihi na inayolengwa, sambamba na kupunguza matumizi ya viuatilifu visivyofaa—hivyo kulinda mazingira na kupunguza gharama kwa wakulima.

Mbali na matumizi ya kilimo, Kichambuzi cha Vinasaba Kinachobebeka kina matumizi mapana katika sekta nyingine. Katika mazingira, hutumika kuchambua udongo, maji, na kufuatilia vimelea hatarishi kwa mazingira. Katika afya ya binadamu, hutumika kuchambua vinasaba vya virusi na bakteria wanaosababisha magonjwa, hivyo kusaidia kudhibiti milipuko na kusaidia katika kutoa tiba sahihi. Kwa upande wa afya ya wanyama, huchambua microbiome na kugundua vimelea wanaosababisha magonjwa, huku pia ikitumika kutathmini afya ya udongo kwa kuchambua viumbe muhimu kwa ukuaji wa mimea.

Katika muktadha wa biashara ya mazao na usalama wa chakula, kifaa hiki husaidia kugundua viumbe hatari kabla ya mazao kufika sokoni au kuvuka mipaka, hatua inayoongeza ubora, usalama, na ushindani wa bidhaa za kilimo za Tanzania katika masoko ya kimataifa.

Kwa kuanza kutumia teknolojia hii, Tanzania inaingia rasmi kwenye ramani ya nchi zinazotumia mbinu za kisasa kuthibitisha ubora wa mazao. Prof. Ndunguru alisisitiza kuwa teknolojia hii inachochea tafiti mpya, kuimarisha usalama wa chakula, na kuleta mageuzi makubwa katika sekta ya kilimo, biashara ya mazao, na hatimaye uchumi wa taifa.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more

Mkurugenzi Mkuu wa TPHPA Apokea Makombe 6 yaliyopatikana Katika Mashindano ya Mei Mosi na SHIMMUTA 2024

Image
Mkurugenzi Mkuu wa Mamlaka ya Afya ya Mimea na Viuatilifu Tanzania (TPHPA), Profesa Joseph Ndunguru, amepokea jumla ya makombe 6 kutoka kwa Kamati ya Michezo ya Mamlaka hiyo, baada ya kufanya vyema katika mashindano mbalimbali yaliyofanyika kwenye mashindano ya SHIMMUTA jijini Tanga mwezi Novemba na sherehe za wafanyakazi (Meimosi 2024). Katika mashindano hayo, Mamlaka ya TPHPA ilifanikiwa kutwaa makombe katika michezo tofauti, ikiwa ni pamoja na: - Mchezo wa Bao: Mshindi wa Kwanza - Darts: Mshindi wa Pili - Karata: Mshindi wa Kwanza - Kukimbia kwenye Gunia: Mshindi wa Kwanza - Riadha: Mshindi wa Pili Akizungumza na Watumishi wa Mamlaka, Profesa Ndunguru alitoa pongezi kwa wachezaji wote walioshiriki na kushinda, akisisitiza umuhimu wa michezo katika kuboresha mahusiano kazini, afya njema, na kuongeza ufanisi wa kazi. Aliwataka watumishi wengine kujiunga na michezo ili waweze kufurahia faida zake, kama vile kujenga umoja na kukuza ustawi wa mwili na akili. Huu ni ushindi mkubwa kwa Mam...
Read more