TPHPA Yaandika Historia: NPPO ya Kwanza Duniani Kutumia Teknolojia ya Portable DNA Sequencer Kutatua Changamoto za Kilimo











Agosti 6, 2025 — Mkurugenzi Mkuu wa Mamlaka ya Afya ya Mimea na Viuatilifu Tanzania (TPHPA), Prof. Joseph Ndunguru, ameongoza hafla ya uzinduzi wa matumizi ya teknolojia mpya ya Portable DNA Sequencer katika banda la TPHPA, kwenye Maonesho ya Nanenane yanayoendelea Viwanja vya Nzuguni, Dodoma.

Akizungumza wakati wa uzinduzi huo, Prof. Ndunguru amesema kuwa TPHPA kupitia Mradi wa Kuimarisha Huduma za Afya ya Mimea na Usalama wa Chakula (STREPHIT) imenunua vifaa 20 vya Portable DNA Sequencer. Vifaa hivyo vitatumika katika maabara na moja kwa moja mashambani kwa ajili ya uchunguzi wa haraka wa vinasaba vya viumbe mbalimbali. Amefafanua kuwa teknolojia hiyo haitumiki tu kubaini visumbufu vya mimea, bali pia husaidia katika tafiti za udhibiti wa magonjwa ya mimea, ufuatiliaji wa usalama wa chakula, na usimamizi wa ubora wa mazao kabla ya kuingia sokoni au kusafirishwa.


Prof. Ndunguru amesisitiza kuwa matumizi ya kifaa hiki ni mapinduzi makubwa kwa sekta ya kilimo, kwani yatawawezesha wataalamu kufanya uchunguzi wa kitaalamu kwa wakati sahihi, moja kwa moja mashambani. Hili litawasaidia wakulima kupata suluhisho la haraka na sahihi dhidi ya changamoto za visumbufu, magonjwa ya mimea, na matatizo ya ubora wa mazao. Ameongeza kuwa TPHPA inalenga kuwa Best NPPO (National Plant Protection Organization) in Africa ndani ya miaka mitatu ijayo, kupitia matumizi ya sayansi na teknolojia katika kulinda afya ya mimea na chakula.


Kwa upande wake, Mkurugenzi wa Usalama wa Afya ya Mimea, Dkt. Benignus Ngowi, amesema kuwa teknolojia hii imekuja kwa wakati mwafaka kwani kwa muda mrefu wakulima wamekuwa wakikabiliwa na magonjwa na visumbufu vya mimea vilivyokuwa vigumu kubainika mapema. "Kupitia kifaa hiki, sasa tuna uwezo wa kutambua chanzo cha tatizo kwa haraka zaidi, jambo ambalo litatusaidia kuchukua hatua mapema na kwa usahihi. Suluhisho limepatikana, na wakulima watanufaika moja kwa moja," amesema Dkt. Ngowi.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more

Mkurugenzi Mkuu wa TPHPA Apokea Makombe 6 yaliyopatikana Katika Mashindano ya Mei Mosi na SHIMMUTA 2024

Image
Mkurugenzi Mkuu wa Mamlaka ya Afya ya Mimea na Viuatilifu Tanzania (TPHPA), Profesa Joseph Ndunguru, amepokea jumla ya makombe 6 kutoka kwa Kamati ya Michezo ya Mamlaka hiyo, baada ya kufanya vyema katika mashindano mbalimbali yaliyofanyika kwenye mashindano ya SHIMMUTA jijini Tanga mwezi Novemba na sherehe za wafanyakazi (Meimosi 2024). Katika mashindano hayo, Mamlaka ya TPHPA ilifanikiwa kutwaa makombe katika michezo tofauti, ikiwa ni pamoja na: - Mchezo wa Bao: Mshindi wa Kwanza - Darts: Mshindi wa Pili - Karata: Mshindi wa Kwanza - Kukimbia kwenye Gunia: Mshindi wa Kwanza - Riadha: Mshindi wa Pili Akizungumza na Watumishi wa Mamlaka, Profesa Ndunguru alitoa pongezi kwa wachezaji wote walioshiriki na kushinda, akisisitiza umuhimu wa michezo katika kuboresha mahusiano kazini, afya njema, na kuongeza ufanisi wa kazi. Aliwataka watumishi wengine kujiunga na michezo ili waweze kufurahia faida zake, kama vile kujenga umoja na kukuza ustawi wa mwili na akili. Huu ni ushindi mkubwa kwa Mam...
Read more