TPHPA Yaelimisha darasa la Wakulima walioratibiwa na SAGCOT Juu ya Mbinu Bora za Upigaji Sumu kwenye Mimea viwanja vya Nane Nane – Morogoro

 USHIRIKIANO TPHPA NA SAGCOT WAIMARIKA ZAIDI,WAFANYA USHIRIKIANO KUFUNDISHA WAKULIMA 



Wakulima kutoka maeneo mbalimbali ya Morogoro wamepata fursa ya kunufaika na mafunzo muhimu yaliyotolewa na Mamlaka ya Afya ya Mimea na Viuatilifu Tanzania (TPHPA) katika banda darasa la SAGCOT lililopo katika Maonesho ya Nane Nane yanayoendelea  Viwanja vya Mwl.Julius Nyerere Morogoro.

Kupitia Mtaalamu wake aliebobea Ndg. Samweli Mmari Mkaguzi wa Viuatilifu, TPHPA imetoa elimu ya kina juu ya mbinu bora za upigaji wa viuatilifu katika mimea, ikiwa ni sehemu ya juhudi za mamlaka hiyo kuhakikisha wakulima wanatumia viuatilifu kwa usahihi, salama na kwa tija katika kukabiliana na visumbufu vya mazao.

Katika mafunzo hayo, wakulima walifundishwa namna bora ya:Kutambua aina sahihi ya viuatilifu kulingana na aina ya visumbufu,Kupima na kuchanganya viuatilifu kwa uwiano unaofaa,Kutumia vifaa vya kisasa vya kupulizia viuatilifu kwa ufanisi zaidi,Kujikinga kiafya wakati wa kupulizia (Personal Protective Equipment - PPE) na Kutunza mazingira kwa kuepuka matumizi holela ya sumu.

Wakulima pia walipata fursa ya kuuliza maswali na kupata majibu ya kitaalamu moja kwa moja kutoka kwa Afisa wa TPHPA, huku wakionesha hamasa kubwa ya kujifunza na kuahidi kubadilisha mbinu wanazotumia mashambani.

 “Mafunzo haya yamenisaidia sana kuelewa kwanini nilikuwa sipati matokeo mazuri licha ya kutumia viuatilifu,” alisema mmojawapo wa wakulima waliotembelea banda hilo. “Sasa najua namna ya kutumia kwa usahihi na salama.”

Pamoja na hayo wameiomba Mamlaka kuendelea kujikita katika kutoa mafunzo kwa wakulima hasa vijijini kwani wamekuwa wakaihudumia wakitumia viuatlifu  kwa njia zisizofaa zinazopelekea kutopata matokeo mazuri.

Akitoa mafunzo hayo Mr Mmari amesema elimu hiyo inalenga kusaidia wakulima kuongeza uzalishaji kwa kutumia mbinu sahihi za udhibiti wa visumbufu, bila kuathiri afya ya binadamu wala mazingira.

“Lengo letu ni kuhakikisha viuatilifu vinatumika kwa njia inayoongeza tija ya mazao na kulinda afya ya mtumiaji na mazingira. Tunawasisitiza wakulima wafuate maelekezo ya wataalamu na watumie viuatilifu vilivyosajiliwa pekee,” alisema Mr.Mmari kutoka TPHPA.


TPHPA imekuwa ikitumia jukwaa la maonesho ya Nane Nane kama sehemu ya kufikia wakulima kwa wingi, kubadilishana maarifa, na kuimarisha uelewa wa masuala ya afya ya mimea nchini.

Comments

Post a Comment

Popular posts from this blog

Ni TPHPA tena! yatwaa tuzo Mshindi wa Kwanza

Image
TPHPA - Bukoba Mamlaka ya Afya ya Mimea na Viuatilifu Tanzania (TPHPA) imetwaa tuzo ya mshindi wa kwanza katika kundi la taasisi za umma katika kilele cha maadhimisho ya Siku ya Chakula Duniani, leo Oktoba 16, 2024, katika viwanja vya CCM, Bukoba. Maonesho haya yalianza tarehe 10 Oktoba 2024. Tuzo hiyo imetolewa na Naibu Waziri wa Kilimo, Mhe. David Silinde, ambaye alikuwa mgeni rasmi katika maadhimisho hayo, akifuatana na Mkuu wa Mkoa wa Kagera, Mhe. Fatma Mwassa. Tuzo hii ina maana kubwa, kwani inaashiria kutambuliwa kwa juhudi za TPHPA katika kuimarisha usalama wa chakula na afya ya mimea nchini. Inadhihirisha umuhimu wa ushirikiano kati ya taasisi za umma katika kukuza kilimo endelevu na lishe bora kwa jamii. Pia, inahamasisha uelewa wa umuhimu wa chakula katika maendeleo ya kiuchumi na kijamii, na inatoa mwito kwa jamii kuwekeza katika lishe bora kwa ustawi wa vizazi vijavyo. Ni muhimu tuhamasishane kuhusu umuhimu wa chakula na kuhakikisha kila mmoja anapata lishe bora. Karibuni s...
Read more

Kanda ya Kaskazini yatolewa kimasomaso na TPHPA Mashindano ya SHIMMUTA 2024//Yatwaa Mataji Matatu huku ikiweka rekodi Maalumu

Image
Mamlaka ya Afya ya Mimea na Viuatilifu Tanzania (TPHPA) imevunja rekodi kubwa katika Mashindano ya Shirikisho la Michezo ya Mashirika ya Umma, Taasisi, na Makampuni Binafsi (SHIMMUTA) 2024, yaliyofanyika mkoani Tanga. Mashindano haya ya 51 tangu kuanzishwa, yamejulikana kwa ushindani mkali, kujenga Afya za Watumishi na Ushirikiano miongoni mwao ukijumuisha ushiriki wa mashirika 95 na wanamichezo 4720 kutoka mashirika na Taasisi   Leo Novemba 24,2024 Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Haroon Nyongo, alifunga mashindano hayo na kusisitiza umuhimu wa michezo katika kukuza afya na ushirikiano miongoni mwa wafanyakazi.  TPHPA inajivunia mafanikio na inashukuru wachezaji wake kwa kuleta heshima na mafanikio makubwa katika mashindano haya ambapo Bi. Rhoda Simon wa TPHPA alionyesha umahiri mkubwa katika mbio za magunia, akishinda kwa kasi ya kipekee na kumaliza mbio hizo kwa muda wa sekunde 28, na hivyo kutwaa taji la ubingwa ambapo leo amekabidh...
Read more

Mkurugenzi Mkuu wa TPHPA Apokea Makombe 6 yaliyopatikana Katika Mashindano ya Mei Mosi na SHIMMUTA 2024

Image
Mkurugenzi Mkuu wa Mamlaka ya Afya ya Mimea na Viuatilifu Tanzania (TPHPA), Profesa Joseph Ndunguru, amepokea jumla ya makombe 6 kutoka kwa Kamati ya Michezo ya Mamlaka hiyo, baada ya kufanya vyema katika mashindano mbalimbali yaliyofanyika kwenye mashindano ya SHIMMUTA jijini Tanga mwezi Novemba na sherehe za wafanyakazi (Meimosi 2024). Katika mashindano hayo, Mamlaka ya TPHPA ilifanikiwa kutwaa makombe katika michezo tofauti, ikiwa ni pamoja na: - Mchezo wa Bao: Mshindi wa Kwanza - Darts: Mshindi wa Pili - Karata: Mshindi wa Kwanza - Kukimbia kwenye Gunia: Mshindi wa Kwanza - Riadha: Mshindi wa Pili Akizungumza na Watumishi wa Mamlaka, Profesa Ndunguru alitoa pongezi kwa wachezaji wote walioshiriki na kushinda, akisisitiza umuhimu wa michezo katika kuboresha mahusiano kazini, afya njema, na kuongeza ufanisi wa kazi. Aliwataka watumishi wengine kujiunga na michezo ili waweze kufurahia faida zake, kama vile kujenga umoja na kukuza ustawi wa mwili na akili. Huu ni ushindi mkubwa kwa Mam...
Read more